30.11.2016
У школе з беларускамоўным класам Брэста запусцілі літаратурны праект да 500-годдзя айчыннага кнігадрукавання
Наступны 2017 год абвесцілі Годам 500-годдзя кнігадрукавання. Менавіта такі час прайшоў з таго моманту, калі Францыск Скарына ў Празе выдаў на друкарскім станку першую кнігу «Псалтыр». І праз пяць стагоддзяў кніга нас бароніць і пра нас апавядае.
Думка аб праекце «Літаратурныя скрыжаванні» нарадзілася ў сярэдняй школе № 29 Брэста ў 2016 годзе. Гэта было пасля першай памятнай сустрэчы вучняў і настаўнікаў з дзіцячым пісьменнікам Іванам Мельнічуком, паэтамі Васілём Дэбішам і Янінай Грыгаровіч, якія сваімі творамі ўразілі школьнікаў. Мэта праэкту – далучыць дзяцей да кнігі, беларускай літаратуры, гісторыі і культуры, бо сёння яны занадта занятыя камп’ютарамі і мабільнымі тэлефонамі, а сапраўднае жыццё быццам праходзіць міма.
Цікава, што менавіта ў гэтай школе знаходзіцца адзіны ў Брэсце беларускамоўны 6 «Г» клас. У ім вучацца чатыры хлопцы: Францішак Вялічкін, Мікалай Душкевіч, Аляксандар Піліповіч і Іван Фралоў. Класны кіраўнік, настаўніца беларускай мовы і літаратуры Ніна Палякова, распавяла, што яе вучні ў жніўні-верасні прымалі ўдзел у відэапраекце «Чытаем літаратуру Берасцейшчыны», на якім чыталі вершы мясцовых літаратараў.
На мінулым тыдні ў гэтай школе адбылося свята творчых зносін: да школьнікаў на «Літаратурныя скрыжаванні» з Мінска прыехалі паэтка Антаніна Хатэнка і спявачка Таццяна Грыневіч, на сустрэчу з якімі ў актавай зале сабралася каля 200 вучняў сярэдніх і старэйшых класаў навучальных устаноў Маскоўскага раёна Брэста. Адкрыў сустрэчу дырэктар школы Сяргей Саўчук, а працягнула яе намеснік загадчыка вучэбна-метадычнага кабінета аддзела адукацыі адміністрацыі Маскоўскага раёна Ніна Дрык: «Мы дакранемся да багацця роднага слова, да сакрэтаў музыкі. Музыка і словы выхоўваюць у душах людзей самыя шчырыя пачуцці.... Гэта толькі пачатак нашых сустрэч. А далей мы будзем прыходзіць у гэтую школу, сустракацца з цікавымі людзьмі, даведвацца пра нешта новае і адчуваць сябе сапраўднымі беларусамі».
У сваю чаргу сталічныя госці падрыхтавалі цікавую культурную праграму, напоўненую любоўю і гонарам за Беларусь, яе славутую гісторыю і тых, хто пакінуў адметны след у літаратуры. «Свята нашай сустрэчы – свята дня нараджэння нашага непаўторнага і адзінага Уладзіміра Караткевіча, – казала Антаніна Хатэнка. – Ён вывеў літаратуру і слова, мысленне, годнасць, мудрасць і нашу гістарычную існасць на ўсе абсягі свету… Як толькі чалавек пасылае слова ў прастору, яно вяртаецца адказам ад продкаў, хто хадзіў па гэтай зямлі, араў, ваяваў, абараняў, сябраваў, тварыў… Мы такія, як пра нас кажа гісторыя, занатаваная ў кнігах».
Спявачка Таццяна Грыневіч дапоўніла паэтку сваім высокім і чыстым голасам і выканала раманс на словы Уладзіміра Караткевіча «Ладдзя роспачы». У школьнай зале гучалі таксама «Зорка Венера», «Мой родны кут» і паланэз Агінскага.
Свае шчырыя вершы чытала Антаніна Хатэнка, у якіх вяртала кожнага да сябе, да Беларусі. «Я радуюся, што ў вашай школе беларускі клас, які мае гонар гаварыць, мысліць, адчуваць па-беларуску, – адзначала яна. – І чым больш такіх класаў, такіх кропачак будзе расыпана па Беларусі, тым больш у нас з’явіцца годнасці, гонару, упэўненасці. Караткевіч казаў: «Хто забыў сваіх блізкіх – той сябе згубіў, хто забыў сваю мову – усё згубіў».
Сталічныя госці прапанавалі вучням літаратурна-гістарычную віктарыну. Найбольш актыўным удзельнікам падарылі чырвоныя плакаты, прысвечаныя 500-годдзю друкарства ў Беларусі.
Вучні беларускамоўнага класа ў нацыянальных касцюмах выканалі для гасцей песню «Замкавая гара» на верш Янкі Купалы і музыку берасцейца Анатоля Мядзведзева. Мінчанкам урычылі кветкі, і тут паэтка Антаніна Хатэнка нечакана абвесціла, што хоча аддаць кветкі таму школьніку, хто гатовы з наступнага, а можа і з гэтага года прыйсці ў беларускі клас. Кветкі з яе рук атрымаў Глеб Цвяткоў. У наступны раз у школе плануюць арганізаваць сустрэчу з аўтарам і вядучым перадачы «Падарожжы дылетанта» Юрыем Жыгамонтам.
Цяпер беларуская мова гучыць па радыё і тэлебачанні, яе можна часцей пачуць на вуліцах, у грамадскім транспарце. У крамах і на базарах пашыраецца рэклама на роднай мове… Старэйшае пакаленне памятае часы, калі ўсе прадметы ў большасці школ рэспублікі – нават матэматыка, фізіка і астраномія – выкладаліся на беларускай мове. Сучаснае пакаленне цяпер таксама больш, чым раней, жадае адчуваць сябе беларусамі.
http://bvn.by/news/kultura/u-belaruskamo-nym-klase-bresta-zapustsili-litaraturny-praekt-da-500-goddzya-aychynnaga-knigadrukavan/
Навіны
2016.03.08Мужчынскі беларускі клас павіншаваў жаночы са святам
Так склалася, што беларускі 5 “Г” клас у Сярэдняй школе № 29 г. Брэста гэта самыя хлопцы. Напярэдадні “Міжнароднага Дня Жанчын”. Хлопцы павіншавалі дзяўчат з 11 класа ў якім няма хлопцаў. Кожны з вучняў асабіста павіншаваў дзяўчат і разам падаравалі вучаніцам пакунак цукерак. Дзяўчыны былі ўдзячныя. “Вы самыя лепшыя!” - сказалі яны.
2016.02.21Неабходна ведаць сваю мову,
каб з годнасцю можна было сказаць, што мы сапраўдныя беларусы(Дзень роднай мовы)
2015.12.30Расце зацікаўленасць да адраджэння беларускай школы
Актуальным застаецца праблема адукацыі на беларускай мове. Дыскрымінацыя роднай мовы цягнецца з 1995 года.
2015.12.12У Скоках пад Брэстам узгадалі падзеі 1915 года
12 снежня 2015 года на тэрыторыі паркавай зоны былой сядзібы Нямцэвічаў у Скоках, што на Берасцейшчыне, прайшла ваенна-гістарычная рэканструкцыя «Скокі-2015», прысвечаная 98-гадавіне заключэння Брэсцкага перамір'я.
2015.12.07Gminny konkurs historyczny zakończony spotkaniem z poezją śpiewaną
Od czterech lat zachęcamy dzieci i młodzież do odkrywania swoich korzeni, do podtrzymywania kontaktu ze starszymi, do wyszukiwania i utrwalania świata, który zanika. Jeżeli w porę tego czasu nie zatrzymamy, możemy stracić go bezpowrotnie.
2015.12.07Wizyta delegacji z Białorusi na zaproszenie Stowarzyszenia Inicjatyw Lokalnych Tłuściec
W dniach od 9 do 12 listopada 2015 r. Stowarzyszenia Inicjatyw Lokalnych Tłuściec gościło klasę 5G Szkoły Średniej nr 29 z Brześciu na Białorusi. Młodzież przybyła wraz z wychowawczynią i rodzicami. Okazją do wizyty było podsumowanie i wręczenie nagród w organizowanym przez SILT gminnym konkursie historycznym, jakie miało miejsce w Tłuśćcu 10 listopada oraz odbywający się następnego dnia w Krzewicy Wieczór z Patriotyzmem z okazji Narodowego Święta Niepodległości. Wydarzenia patriotyczne i historyczne, jakie w tych dniach obchodziliśmy mają dla naszych gości szczególnie istotne znaczenia. Czteroosobowa klasa 5G jest jedyną w ponad 300 tysięcznym Brześciu klasą z białoruskim językiem nauczania. Pozostałe w tym mieście 40 szkół tego poziomu, klas białoruskich nie posiada. Język ojczysty jest tam jednym z przedmiotów nauczania a zajęcia odbywają się po rosyjsku. Goście byli szczególnie zainteresowani oprawą naszych świąt narodowych czy też innymi wydarzeniami kulturalnymi i rozrywkowymi, jakie się u nas odbywają.
2015.11.20Gminny konkurs historyczny i spotkanie z poezją śpiewaną w Tłuśćcu
Tradycją staje się już, że w przededniu Narodowego Święta Niepodległości Stowarzyszenie Inicjatyw Lokalnych Tłuściec organizuje niewielkie wydarzenie kulturalne, podczas którego następuje podsumowanie Gminnego konkursu historycznego: „To, co przeżyło jedno pokolenie, drugie przeżywa w sercu i pamięci” oraz wręczenie nagród laureatom. Zwieńczeniem uroczystości jest spotkanie z poezją śpiewaną. W latach poprzednich występowali m/innymi nasi młodzi wykonawcy: Kasia Nejranowska i Klaudia Baj, w ubiegłym roku piosenki z repertuaru Jacka Kaczmarskiego wykonał pochodzący z Radzynia Paweł Janowski. Tegoroczny koncert wypełniły pieśni i piosenki wykonane w języku białoruskim, ukraińskim i polskim przez jeden z najpiękniejszych głosów na białoruskiej scenie - Olgę Tereszczenko.
2015.11.17Аншлаг, яшчэ аншлаг - беларуская мова загучала на падляшшы
Грамадская арганізацыя Мясцовых Ініцыятыў Тлушчац, што ў гміне Мендзыжац Падляскі, запрасіла дзяцей адзінага ў Берасці беларускага кляса на нацыянальнае свята Дзень Аднаўлення Незалежнасці 11 лістапада.
2015.10.28Лекцыя мужнасьці
На восеньскіх вакацыях вучні беларускага класа Берасьця разам з настаўніцай наведалі інваліда па здароў’ю Аляксандра Крылова. Лёс гэтага чалавека ўражывае. Аляксандар заўсёды цудоўна маляваў, пасля заканчэння школы атрымаў скіравенне на вучобу ў Маскоўскі Дзяржаўны Акадэмічны Мастацкі Інстытут імя В.І.Сурыкава, але бацькі не пусцілі юнака далёка. Пазней ён скончыў Брэсцкі дзяржаўны педагагічны інстытут, ажініўся, расціў дзяцей, працаваў...
2015.10.16Літаратурная сустрэча беларускіх пісьменнікаў з вучнямі беларускага класа
15 кастрычніка Берасце наведалі мінскія літаратары, сябры ГА “Саюз беларускіх пісьменнікаў” Барыс Сачанка, Алесь Пашкевіч, Васіль Жуковіч і Ўсевалад Себурака.