22.08.2015
У Брэсце ідзе набор вучняў у 5 клас з беларускай мовай навучання
Набор у клас адбывацца ў сярэдняй школе № 29. Некалькі заявак у клас ужо пададзеныя. Мы пацікавіліся ў бацькоў, чаму менавіта яны абралі 29 школу. Распавядае Маргарыта, маці Францішка Вялічкіна, які вучыўся па-беларуску з першага па чацвёрты клас у ПШ № 34:
“Наш сын скончыў пачатковую школу з беларускай мовай навучання. І пасля выпуску перад намі паўстала пытанне выбару школы. Мы наведалі некалькі школ горада, у спыніліся на школе № 29. Па-першае, школа нам спадабалася сваімі профільнымі прадметамі: англійскай мовай і матэматыкай. Па-другое, былі прыемна ўражаны адданасцю настаўнікаў да сваёй працы. Гэта школа з моцнымі традыцыямі і з моцным педагагічным складам. Таму ў нас вялікія спадзяванні і чаканні ад навучальнага працэсу.
Я б не раіла бацькам баяцца таго, што прадметы будуць выкладацца па-беларуску. Веданне моў развівае дзяцей, у іх няма нейкіх бар’ераў, страхаў ці стэрэатыпаў як у нас у дарослых. Досвед маіх старэйшых дзяцей, паказвае, што яны больш адкрытыя да свету, больш запатрабаваныя ў свеце, і дасканалае валоданне беларускай мовай ім ніколіі ў жыцці не замінала, наадварот, дапамагала, асабліва пры вывучэнні замежных моваў.
Зараз у Беларусі назіраецца тэндэнцыя да больш шырокага ўжывання беларускай мовы. Ужо сёння можна ўбачыць надпісы беларускай лацінкай на вакзалах і вуліцах вялікіх гарадоў. Павялічылася колькасць рэкламы па беларуску. Развіваецца беларускамоўная літаратура, Беларускія спартоўцы сусветнага маштабу як Аляксандра Герасіменя, Аліна Талай, Віталь Гуркоў выказваюцца ў падтрымку беларускай мовы, размаўляюць на ёй і не хаваюць, што беларуская мова з’яўляецца візітоўкай нашай краіны. Яны перакананыя, што чалавек, які валоднае роднай мовай годна будзе абараняць інтарэсы нашай краіне не толькі на спартыўнай пляцоўцы, але і на міжнароднай арэне.
Веру, што беларуская мова знойдзе годнае месца і ў будучыні, калі мы разам са сваімі дзецьмі прыкладзем да гэтага намаганні”.
Навіны
2015.10.15ПАДАРОЖЖА Ў ВОСЕНЬСКІ ЛЕС
У школах склалася такая практыка , што педагагічны калектыў або Міністэрства адукацыі вырашаюць , чым заняць школьнікаў ў пазаўрочны час. У «абязалавку» ўваходзіць наведванне музеяў і экскурсій, не ўзгадняючы з жаданнямі бацькоў і школьнікаў. Напрыклад , пяцікласнікам прапанавалі азнаямленчую экскурсію па горадзе Брэсту на аўтобусе з наведваннем музея паравозаў і Брэсцкую крэпасць , а таксама прайсціся пешу па вуліцы Савецкай за 110 тысяч рублёў з кожнага.
2015.09.07З 36 тысяч вучняў Брэста толькi чацвёра навучаюцца ў беларускамоўным класе
Іх усяго чацвёра з 515 у школе - вучняў беларускамоўнага 5 "Г" класа. Педагогі 29-й школы ў адзін голас: пераваг у гэтым нашмат больш, чым «мінусаў». Кожнаму вучню досыць увагі. Вось і ў нас ёсць магчымасць пазнаёміцца з кожным персанальна: Коля Душкевіч, Францішак Вялічкін, Саша Піліповіч і Ваня Фралоў (ён у статусе навічка). Яны не адчуваюць сябе «нацыянальнымі героямі», хоць быць у цэнтры ўвагі ім не прывыкаць. Пакуль летам дарослыя вырашалі, быць гэтаму класу ці не і калі быць, то ў якой школе, яны проста адпачывалі і дурэлі, як усе дзеці. Хто на лецішчы, як Францішак, хто ў бабулі ў Тэльмах. А Ваня, да якога ўсё часцей звяртаюцца як да Янкі, вандроўнічаў па Польшчы і Чэхіі.
2015.09.03Пачатак навучальнага года ў Берасьці адзначыўся адкрыццём адзінага ў горадзе беларускамоўнага класа
1 верасня ў сяредней школе 29 ў Берасьце пачалі заняткі па-беларуску чацвёра вучняў у пятым классе. У гэты ж дзень адбылась урачыстая лінейка прысвечаная пачатку навучальнага года. Дырэктар школы Саўчук Сяргей Уладзіміравіч удзяліў асаблівую ўвагу адкрыццю 5”Г” класа, дзе выкладанне ўсіх прадметаў будзе весціся па-беларуску.
2015.08.22У Брэсце ідзе набор вучняў у 5 клас з беларускай мовай навучання
Набор у клас адбывацца ў сярэдняй школе № 29. Некалькі заявак у клас ужо пададзеныя. Мы пацікавіліся ў бацькоў, чаму менавіта яны абралі 29 школу. Распавядае Маргарыта, маці Францішка Вялічкіна, які вучыўся па-беларуску з першага па чацвёрты клас у ПШ № 34:
2015.08.13У Брэсце ідзе набор вучняў у 5 клас з беларускай мовай навучання
Заняткі будуць праходзіць у сярэдняй школе № 29.
2015.07.21Тры меха смецця
Усё больш набірае папулярнасць сярод гаражан адпачынак на “Бресцкім моры”, дакладней возеры, што за Чырвоным дваром у Берасьці. Чарга аўтамабіляў берасьцейцаў па дарозе да возера нагадвае падарожжа да Чорнага мора за савецкім часам. У спёку адпачынак ў вады, сярод зьмешанага лесу, - сапраўдная прыгажосць!
2015.06.29Кіраўніцтва горада за беларускамоўнае навучанне – выбар за бацкамі
Пасля рэферэндуму 1996 года нерадзівыя чыноўнікі практычна выцеснілі беларускую мову з афіцыйнага выкарыстання, сістэмы адукацыі і СМІ. Родная мова стала ўспрымаецца многімі беларусамі як «вясковая». Беларускамоўная адукацыя ў Беларусі за 20 гадоў звузілася. Толькі каля 15% дзяцей вучыцца па-беларуску.
2015.06.01“Мова на нова”, да сустрэчы ў верасні!
30 траўня ў Берасці прайшлі апошнія заняткі ў навучальным сезоне 2014-2015 моўных курсаў “Мова Нанова”. У першай частцы сустрэчы адбылося падсумаванне вынікаў працы курсаў беларускай мовы ў Берасці. Лепшыя слухачы атрымалі ўзнагароды ад "Мовы Нанова" за актыўны ўдзел у навучанні.